கும்புருமூலை அரச மரமுந்திரிகை தோட்டத்திலிருந்து ஆயுதங்கள் மீட்பு

வாழைச்சேனை பொலிஸ் பிரிவுக்குட்பட்ட கும்புருமூலை அரச மரமுந்திரிகை தோட்டத்தில், நேற்று(7) படையினரால் ஆயுதங்கள் மீட்கப்பட்டுள்ளன.

வாழைச்சேனை பொலிஸாருக்கு கிடைக்கப்பெற்ற தகவலுக்கு அமைய இடம்பெற்ற தேடுதலின் போதே இரண்டு டீ 56 துப்பாக்கிகள்,  1 ஷொட்கன் , 2 மெகஸின், 4 ஜெலடின் கூறுகள் , 4 டெட்டனேட்டர்கள் , டீ 56 ரக ரவைகள் , பிஸ்டல் ரவைகள் போன்றன கைப்பற்றப்பட்டன.

இதேவேளை நேற்று(07) மீராவோடை பகுதியில் இடம்பெற்ற சுற்றிவளைப்பின் போது, டீ56 ரக (திருத்தப்பட்ட)துப்பாக்கி ஒன்று  பாலம் ஒன்றின் கீழ் கைவிடப்பட்ட நிலையில் கண்டெடுக்கப்பட்டிருந்தது.

- ஜே.எப்.காமிலா பேகம்